प्रतापको आवाजमा ‘फोटो फिरिममा’ रिलिज (भिडियो)

२९ असार २०७७, काठमाडौँ

करिब ३ महिना अघि रिलिज भएको फोटो फिरिममा बोलको गीतले दर्शकको सर्वाधिक मन जित्न सफल भयो । नेपाल आइडल बाट चर्चामा आएकी रचना रिमालको आवाजमा तयार भएको फोटो फिरिममा गीतलाई दर्शकले औधी रुचाए । रचनाको आवाजको पनि चौतर्फी प्रशंसा भयो ।

फोटो फिरिममाको अपार सफलतापछि शिशिर भण्डारी फोटो फिरिममाको मेल भर्जन पनि ल्याएका छन् । मेल भर्जनलाई चर्चित गायक प्रताप दासले गाएका छन् । शिशिरकै शब्द र संगीत रहेको गीतमा शिशिर भण्डारी र रिस्ता बस्नेत फिचर्ड रहेका छन् ।

फोटो फिरिममा मेल भर्जनको भिडियो निकै नै उत्कृष्ट बनेको छ । त्यसैकारणले गीतले युट्युबमा रिलिज भएको केही समयमा राम्रो भ्यूज र कमेन्ट पाउन सफल भएको छ ।