जन्मदिनमा जिग्रीले भने, ‘जन्मदिन मनाउने खर्चले दुबईमा अलपत्र परेका नेपाली चेलीलाई सहयोग गर्छु’

०४ साउन २०७७, काठमाडौँ

चर्चित हाँस्य टेलिसिरियल सक्किगो नि मा जिग्री को भूमिकामा देखिएका कलाकार कुमार कट्टेलको आज जन्मदिन हो । जन्मदिन भएकाले उनलाई सामाजिक सञ्जालमा उनका शुभचिन्तकले शुभकामना दिइरहेका छन् ।

जिग्रीले आज जन्मदिनको दिन महत्वपूर्ण कामको घोषणा गरेका छन् । (जिग्री)ले आज जन्मदिनको अवसरमा विदेशमा रहेकी एक नेपाली चेलीको उद्धार गर्ने बचन दिएका छन् । उनले सामाजिक सञ्जालमार्फत युएइमा अलपत्र परेकी झापा घर भएकी एक चेलीको उद्धार गर्ने बताएका हुन् । केहि दलालले ति चेलीलाई ललाई फकाई भारतको बाटो हुदै दुवई पुर्याएपछि उनी अलपत्र परेको बताएका छन् ।

झापा घर भई दुवई पुगेकी उनको अवस्था अत्यन्तै दयनीय रहेको भन्दै आफ्नो जन्मदिनमा खुशियाली मनाउनको सट्टा दुखमा रहेको नेपाली चेलीलाई दुवई बाट नेपाल फर्कन आवश्यक पर्ने प्लेन टिकटको खर्च व्याहोर्ने बताएका छन् ।