बिरामी श्रीमतीलाई मेहेन्दी लगाइदिदैँ गायक प्रमोद खरेल

५ साउन २०७७, काठमाडौँ

चर्चित गायक प्रमोद खरेल सामाजिक सञ्जालमा सक्रिय भैरहने कलाकारमध्येका एक हुन् ।

प्रमोद खरेलको एउटा तस्विरले अहिले सामाजिक सञ्जालमा राम्रै चर्चा पाइरहेको छ । लकडाउनका कारण घरमा नै बसिरहेका प्रमोदले सुत्केरी श्रीमतीलाई मेहन्दी लगाएको तस्विर सार्वजनिक गरेपछि उनको तारिफले सामाजिक सञ्जाल भरिएको हो ।

गएको असार ३ गते छोरीका बाबु बनेका प्रमोदले अस्पतालमा नै श्रीमतीको जन्मदिन र आफ्नो एनिभर्सरी अस्पतालमै मनाएका थिए ।

साउनको महिना भएकाले प्रमोदले आफ्नी श्रीमतीका साथै आफन्तका हातमा पनि मेहेन्दी लगाइदिएका छन् । सबैले तस्बिरमा उनले आफ्नी श्रीमतीलाई धेरै माया गर्ने बताएका छन् ।