देशको जिल्ला र प्रदेश थाहा नपाएर ट्रोल भएपछि पूजाले मागिन् दर्शकसँग माफी

०५ साउन २०७७, काठमाडौँ

नायिका पूजा शर्माले एक अन्तवार्तामा नेपालमा १४ जिल्ला र ७२ प्रदेश भएको बताएकी थिइन् । त्यस कुरामा उनको निकै मजाक पनि उडाइयो । धेरैले उनलाई नायिका भएर यति सामान्य कुरा पनि थाहा नभएको भन्दै गाली पनि गरे ।

पूजाले यसबारे माफी मागेकी छिन् । उनले अबदेखि देशको बारेमा आफू सामान्य जानकारी राख्ने बताएकी छिन् ।

पूजाले भनिन्–‘हो, म दर्शकको धेरै माया पाएर मात्तिएकी थिएँ । मैले यी कुराहरु जान्नुपर्ने हो । तर, अब म आफूलाई यस्तो कुरामा सजग बनाउँछु । सबै दर्शकको मन दुखेको छ, म माफी माग्न चाहन्छु ।’

नायिका शर्मा चलचित्र निर्माण र रिलिजको वातावरण तयार भएपछि ‘म यस्तो गीत गाउँछु २’को प्रचार र नयाँ चलचित्रको काममा व्यस्त हुनेछिन् ।