१३ साउन २०७७, काठमाडौं
नेपाल सरकार महिला, बालबालिका तथा ज्येष्ठ नागरिक मन्त्री पार्वत गुरुङले आइतबार (आज) बूढानीलकण्ठ नगरपालिकामा कतार च्यारिटीले बनाउन लागेको प्राविधिक तालिम केन्द्र उद्घाटन गरेका छन् ।
प्राविधिक तालिम केन्द्र निर्माण गर्नको लागि करिब ३ महिना अघि नै कतार च्यारिटी र नेपाल सरकार समाज कल्याण परिषद बीच सम्झौता भएको थियो । शिलान्यासपछि औपचारिक रुपमा प्राविधिक तालिम केन्द्रको काम सुरु भएको कतार च्यारिटीका सिभिल इन्जिनियर अमिर फैसलले बताए ।
प्राविधिक तालिम केन्द्र बुढानिलकण्ठ नगरपालिका वडा नम्बर ३ मा निर्माण हुन् लागेको हो । तालिम केन्द्रको लागत करिब १ करोड १२ लाख रुपैयाँ रहेको छ । निर्माण कार्य सुरु गरेको ६ महिनामा तालिम केन्द्र निर्माण सम्पन्न गरिने कतार च्यारिटीले जनाएको छ ।
