रियामाथि यी नायकको ट्वीट : भने, ‘तिम्रो पर्दाफास चाडैँ नै हुनेछ’

१६ साउन २०७७, काठमाडौँ

सुशान्त सिंह राजपुतको आत्महत्या प्रकरणमा सुशान्तकी पूर्व प्रेमिका रिया चक्रवर्ती नराम्रोसँग फसकी छिन् । सुशान्तका पिताले केहीदिन अघि रियाकै कारणले आफ्नो छोराले आत्महत्या गरेको भन्दै पटना प्रहरी कार्यालयमा उनी विरुद्ध एफआइआर दर्ता गराएका थिए ।

यस्तै सुशान्तकी पूर्व प्रेमिका अकिंता लोखण्डेले पनि सुशान्त रियासँगको सम्बन्धका कारण सधैँ तनावमा रहेको र उनीबाट सुशान्तले छुटकारा पाउन चाहेको समेत खुलाएकी थिइन् ।

यतिबेला सामाजिक सञ्जालमा सुशान्तका फ्यानहरु रियामाथि निकै भड्किरहेका छन् । यसैबिच एक नायकले पनि ट्वीटरमा ट्वीट गर्दै रियाको खुलेर विरोध गरेका छन् ।

फिल्म हाल–ए–दिल, राज–द मिस्ट्री कन्टिन्यूज, जस्न लगायतका फिल्ममा अभिनय गरेका अध्ययन सुमनले ट्वीटमा लेखेका छन्, ‘रिया चक्रवर्ती, तिम्रो वास्तविकता चाँडै नै पर्दाफास हुनेछ । तिमी दौडन सक्छौ तर थकाई लागेर नै मर्नेछौ । गलत व्यक्तिसँग संगत गर्नु कति भयावह हुन्छ भन्ने मलाई राम्रोसँग थाहा छ ।’

उनको ट्वीटमा धेरैले समर्थन जनाएका छन् ।