प्रकाश सपूतको ‘बदला बरिलै’ युट्युब ट्रेन्डिङको पहिलो स्थानमा

१९ साउन २०७७, काठमाडौँ

चर्चित गायक प्रकाश सपूतको २ दिन अघि बदला बरिलै बोलको गीत रिलिज भएको थियो । प्रकाशको शब्द र संगीत रहेको गीतमा देवि घर्तीको आवाज रहेको थियो ।

गीतमा नायिका केकी अधिकारीको जीवन्त अभिनय रहेको छ । निकै मनछुने गीतमा समाजको वास्तविक घटनालाई देखाइएको छ । बदला बरिलै गीतलाई दर्शकले असाध्यै रुचाइरहेका छन् । जसका कारण हाल उक्त गीत युट्युब ट्रेन्डिङको पहिलो स्थानमा रहेको छ ।

यो समाचार तयार पार्दासम्म गीतलाई लगभग साढे ९ लाखले हेरेका छन् । गीतलाई ७२ हजार दर्शकले लाइक गरेका छन् भने १ हजार ३ सयले डिसलाइक गरेका छन् । हालसम्म गीतमा लगभग ९ हजार कमेन्ट प्राप्त छन् र अधिकांश कमेन्ट सकरात्मक नै रहेका छन् ।