चलचित्रमा हिट, म्यूजिक भिडियोमा फ्लप प्रदिप…

२० साउन २०७७, काठमाडौँ

अभिनेता प्रदिप खड्का पछिल्लो समयका सर्वाधिक लोकप्रिय अभनेता हुन् । पारिश्रमिकको हिसाबले पनि उनी अगाडी नै छन् । चलचित्रमा सफल प्रदिपलाई म्यूजिक भिडियो भने त्यति फापेन ।

लकडाउनको समयमा उनले २ वटा म्यूजिक भिडियोमा काम गरे । प्रदिपको स्टारडम हाइ भएका कारण उनले म्यूजिक भिडियोमा काम गर्दा दर्शकले रुचाउने अपेक्षा गरिएको थियो ।

तर बिडम्बना त्यसो हुन सकेन । प्रदिपले खेलेको २ वटै म्यूजिक भिडियोलाई दर्शकले त्यति रुचाएनन् । गीतमा त्यतिधेरै भ्यूज पनि आएको छैन । त्यसैकारण पनि उनलाई म्यूजिक भिडियोमा फ्लप हिरो भनेर टिप्पणी गर्न थालिएको छ । यद्यपि प्रदिपले यसबारे कुनै प्रतिक्रिया भने दिएका छैनन् ।