उषा र सुनिशालाई फकाउँदै पल र सुधिर (भिडियो सहित)

लकडाउन खुकुलो भएसँगै अभिनेता पल शाह म्यूजिक भिडियोको काममा निकै नै व्यस्त हुन थालेका छन् । अहिले उनलाई १ दिन पनि फुर्सद छैन । लकडाउन खुकुलो भएसँगै उनका ए है माया, मायालु तिमी कता छौँ जस्ता हिट गीत आइसकेका छन् भने धेरै गीत आउने क्रममा छन् ।

यसैबिच पल शाहको नयाँ गीत रिलिज भएको छ । दिनेश थपलियाको शब्द र आचार्य कृष्ण भारद्धाजको संगीत रहेको माया गरौला बोलको गीतमा सरोज वली र अस्मिता अधिकारीको आवाज रहेको छ ।

निकै नै रमाइलो गीतमा पलसँगै टिकटक बाट चर्चामा आएकी मोडल उषा उप्रेती, सुधिर श्रेष्ठ र सुनिशा बजगाई फिचर्ड रहेका छन् । गीतलाई विक्रम स्वारले कोरियोग्राफी गरेका हुन् ।