सन्तोषको नयाँ चलचित्र ‘हु.तु.तु’ मा हरिवंश, प्रदिपदेखि पलसम्म…

चर्चित निर्माता सन्तोष सेनले केहीसमय अघि नयाँ चलचित्रको घोषणा गरेका थिए । चलचित्र कमेडी जनरामा बन्ने बताइएको थियो, तर चलचित्रको नाम भने सार्वजनिक गरिएको थिएन ।

अन्ततः  सन्तोषले चलचित्रको नाम र कलाकार पनि सार्वजनिक गरेका छन् । कमेडी जनरामा बन्ने चलचित्रको नाम हु..तु..तु राखिएको छ । चलचित्रमा प्रदिप खड्का, पल शाह, हरिवंश आचार्य, नाजिर हुसेन, माओत्से गुरुङ, सलोन बस्नेत, गौरव पहारी लगायतका कलाकारको मुख्य भूमिका रहने छ ।

चलचित्रकी नायिकाको भने खोजी भैरहेको जानकारी प्राप्त छ ।