काठमाडौं। विश्वव्यापी महामारीको रुपमा फैलिएको कोरोना भाइरसको संक्रमण एसियाली मुलुकमा सबैभन्दा बढी भारतमा देखिएको छ भने विश्वमा कोरोना संक्रमित धेरै हुने देशको सूचीमा तेस्रो स्थानमा रहेको छ ।
पछिल्लो २४ घण्टामा ९ सय ९० जनाले ज्यान गुमाएसँगै मृत्यु हुनेको संख्या ४९ हजार १ सय ३४ नाघेको छ ।
लगातार बढ्दो क्रममा संक्रमण देखिएको भारतमा एकैदिन ६५ हजार ६ सय ९ भन्दा बढीमा संक्रमण देखिएसँगै संक्रमित हुनेको संख्या २५ लाख २५ हजार २ सय २२ पुगेको छ । अहिलेसम्म १८ लाख ७ हजार ५ सय ५६ जना संक्रमित उपचारपछि निको भएका छन् ।
