आज बहुचर्चित नायिका मनिषा कोइरालाको जन्मदिन, शुभकामना दिनेको ओइरो

मनिषा कोइराला, सबै नेपालीको मनमस्तिष्कमा बस्न सफल नाम । नेपालीको मात्र नभएर विश्वभर नै उनको नाम चर्चामा छ । नेपालकी छोरी मनिषा नेपालमा मात्र नभएर भारतमा पनि उत्तिकै चर्चित छिन् ।

९० कि दशककी उनी बहुचर्चित बलिउड नायिका हुन् । उनले धेरै सुपरहिट बलिउड चलचित्रमा काम गरिसकेकी छिन् । बलिउडमा मनिषाको योगदान काफि तारिफयोग्य रहेको छ । भारतमा बसेर पसिना बगाएपनि उनले आफ्नो देशको माया कहिल्यै मारेकी छैनन् । उनी गर्वका साथ आफूलाई विश्वमा नेपाली भनेर चिनाउँछिन् ।

केहीसमय अघि नेपाल–भारत सिमा विवाद निकै चर्किएको  थियो । त्यस समयमा मनिषाले नेपालको समर्थनमा बोलेकी थिइन् । जसका कारण भारतीय मिडियाले मनिषालाई निकै तुच्छ गाली दिएको थियो । यत्तिसम्मकी भारतीय मिडियाले मनिषालाई भारतको खाएको, चिनको गाएको समेत भनेका थिए । तर फेरि उनले फर्केर जवाफ भने दिइनन् ।

आज उनै बहादुर नायिका मनिषा कोइरालाको जन्मदिन रहेको छ । आजबाट मनिषा जीवनको ५० औँ बसन्तमा लागेकी छिन् । ५० बर्षको समयमा उनले जीवनमा धेरै नै संघर्ष गरेकी छिन् । यतिसम्मकी उनले मृत्युलाई पनि जितेर आएकी छिन् । धेरैलाई थाहा नै होला मनिषालाई ब्रेस्ट क्यान्सर भएको थियो । धेरै समयसम्मको निरन्तर उपचारपछि उनले क्यान्सरलाई जितेकी थिइन् ।

मनिषाले एउटा नेपाली चलचित्रमा पनि काम गरेकी थिइन् । आज मनिषाको जन्मदिन भएकाले सामाजिक सञ्जालमा उनलाई धेरैले जन्मदिनको शुभकामना दिइरहेका छन् । मनिषालाई धेरैले आफ्नो प्रेरणाको रुपमा हेर्ने गरेका छन् । हाम्रो तर्फबाट पनि होनहार नायिका मनिषा कोइरालालाई जन्मदिनको धेरै धेरै शुभकामना ।