‘सडक २’ को गीतमा पनि डिसलाइकको बर्षा

सुशान्त सिंह राजपुतको निधनपछि बलिउडमा नेपोटिज्मबारे खुबै नै चर्चा चल्यो । यसैबिच केहीदिन अघिमात्र सडक २ को ट्रेलर रिलिज भयो । नायिका आलिया भट्ट नेपोटिज्मको विवादमा नराम्रोसँग मुछिइन् ।

जसका कारण सडक २ को ट्रेलरमा १ करोड बढी  डिसलाइक आएको छ । यसैबिच चलचित्र सडक २ को गीत पनि रिलिज भएको छ । ट्रेलरमा जस्तै गीतमा पनि डिसलाइकको बर्षा भैरहेको छ ।

अंकित तिवारी र लिनाबोसको आवाज रहेको गीतमा आदित्य रोय कपुर र आलिया भट्ट फिचर्ड छन् । यो गीतमा ९८ हजार लाइक आएको छ भने ३ लाख ७५ हजार डिसलाइक आएको छ । शब्बीर अहमदको शब्द रहेको गीतमा अंकित तिवारीको संगीत रहेको छ ।