काठमाडौँमा सुट भएको थियो अमिताभको यो चर्चित फिल्म…

बलिउड अभिनेता अमिताभ बच्चन सामाजिक सञ्जालमा निकै सक्रिय छन् । उनी बेला बेलामा आफ्नो पुरानो तस्बिर पोष्ट गर्दै फ्यानलाई उक्त फिल्मको नाम बताउन अराउँछन् । अमिताभको यो गेम फ्यानले निकै नै रुचाएका छन् ।

उनीहरुले सधैँ नै यस गेमलाई रमाइलोसँग खेल्ने गरेका छन् । यसपटक भने एक फ्यानले अमिताभको पुरानो एक तस्बिर पोष्ट गर्दै उनलाई उक्त चलचित्रको नाम बताउन आग्रह गरे ।

अमिताभले उक्त चलचित्रको विस्तृत जानकारी नै दर्शकलाई दिए । अमिताभले फोटोलाई रि–ट्वीट गर्दै लेखे, ‘यो ‘महान’ को हो जुन नेपालको काठमाडौंमा सुट गरिएको थियो ।’ तस्बिरमा अमिताभ बच्चन स्विमिङ पूलको साइडमा हातमा सुन्तलाको जुस लिएर बसिरहेको देख्न सकिन्छ । प्रयोगकर्ताले यो फोटोमा रोचक कमेन्ट गरेका छन् ।