करिब १ महिनाअघि चर्चित गायक सुगम पोखरेलका पिताको निधन भएको थियो । हालै सुगमले बुबाको सम्झनामा नयाँ गीत बजारम ल्याएका छन् । सुगमले बुबाको मुख हेर्ने दिनको अवसर पारेर उक्त गीत निकालेको बताएका छन् ।
तर बुबाको लागि तयार पारेको गीत बुबालाई नै सुनाउन नपाउँदा भने आफूलाई दुख लागेको उनले बताएका छन् । सुगमका पिताको ८१ बर्षको उमेरमा निधन भएको थियो ।
सार्वजनिक गरिएको गीतमा शब्द तथा संगीत सुगम पोखरेलकै रहेको छ भने संगीत संयोजन सुजिल कर्माचार्यको छ ।
गीतमा बुबाको साथ र मायालाई वर्णन गरिएको छ । गीतमा परिवारले पाउने बुबाको मायालाई चित्रण गरिएको छ ।
