आज चर्चित गायक प्रताप दासको जन्मदिन, शुभकामना दिनेको ओइरो

प्रताप दास पछिल्लो समयका सर्वाधिक चर्चित गायक हुन् । नेपाली ताराबाट सुरु भएको उनको गायन यात्रालाई नेपाल आइडलले उचाईमा पुर्याइदियो । नेपाल आइडल सिजन १ का प्रताप फाइनलिस्ट हुन् ।

नेपाल आइडलबाटै लाखौँ दर्शकको मनमा बस्न सफल प्रतापले नेपाल आइडलपछि पछाडी फर्केर हेर्नुपरेको छैन । छोटो समयमा नै उनले धेरै हिट गीत दिएका छन् भने दर्शकको पनि प्यारो बनेका छन् ।

अहिले प्रतापलाई चलचित्रका गीतमा पनि आवाज दिएर भ्याइनभ्याई छ । उनले फूल होइन, हर युग होस् प्रेमको गीतको, तिम्रो स्वरमा स्वर मिलाई, तिमी मै टोलाइरहु भन्छ, फोटो फिरिममा, मोटरसाइकलमा लगायतका हिट गीत दिइसकेका छन् ।

आज उनै चर्चित गायक प्रताप दासको जन्मदिन रहेको छ । आज प्रतापको जन्मदिन भएकाले उनलाई सामाजिक सञ्जालमा शुभकामना दिनेको ओइरो नै लागेको छ । यसपटक कोरोनाले गर्दा प्रतापले आफ्नो जन्मदिन सामान्य तरिकाले नै मनाउने भएका छन् । हाम्रो तर्फबाट पनि प्रतापलाई जन्मदिनको धेरै धेरै शुभकामना ।