गत जनवरीमा बलिउड अभिनेता सलमान खानलाई कसैले ज्यान मार्ने धम्की दिएको थियो । त्यसबेला पनि धम्की दिने मानिसको मुम्बई प्रहरीले अनुसन्धान गरेको थियो । तर धम्की दिने व्यक्तिबारे कुनैपनि जानकारी पाउन सकिएको थिएन ।
अहिले भने प्रहरीले सलमानको हत्याको योजना बनाएका राहुल नाम गरेका युवकलाई पक्राउ गरेको छ । राहुल नाम गरेका व्यक्तिले गत जनवरीमा सलमान खानको रेकी गरेका थिए । उनले ग्याङस्टर लोरेन्स बिस्नोइका लागि काम गर्ने गरेको बताइएको छ ।
प्रहरीका अनुसार राहुल अन्य चार हत्याका घटनामा पनि मुछिएका छन् । उनले सन् २०१९ मा एक व्यक्तिको हत्या गरेको आरोप छ ।
