दुवै पक्षको सहमतिमा टुगिंयो पूजा र प्रकाशको विवाद

केहीसमय देखि सामाजिक सञ्जालमा तहल्का मच्चाएको पूजा र प्रकाशको विवाद अन्तत टुगिंएको छ । दुवै पक्षको सहमतिमा विवादमा टुगिंएको हो ।

टेलिभिजनमा प्रकाशले पूजालाई अपशब्द बोलेपछि उनीहरुको विवादले उग्र रुप लिएको थियो । आफ्नो अपमान भएको भन्दै पूजाले प्रकाश विरुद्ध उजुरी पनि दिएकी थिइन् ।

चलचित्र कलाकार संघ, चलचित्र निर्माता संघका अध्यक्षहरुको रोहबरमा पूजा र प्रकाशविचको विवाद समाधान भएको हो ।

अब प्रकाशले संचालन गर्दै आएको कार्यक्रममा पेशागत मर्यादामा रहेर प्रचलित कानुन र पेशागत आचारसंहिताको परिपालना तर्फ सजग रही भविष्यमा आपसी सद्भाव विग्रन नदिने प्रवृत्तीमा दुबैपक्ष संवेदनशिल र र सचेत रहने कुरा उल्लेख छ ।