बलिउड अभिनेता सुशान्त सिंह राजपुतको आत्महत्या प्रकरणलाई लिएर नायिका कंगना रनावतले सुरुदेखि नै आवाज उठाइरहेकी छिन् । उनले हालैमात्र सामाजिक सञ्जालमा स्टाटस देख्दै सुशान्तको आत्महत्या प्रकरणमा आवाज नउठाएको भन्दै अमिताभ बच्चनमाथि पनि भड्किएकी छिन् ।
त्यसबाहेक भारतमा बन्न लागेको राम मन्दिरको बिषयमा नबोलको भन्दै कंगनाले अमिताभको टिप्पणी गरेकी छिन् ।
कंगना भन्छिन्–‘अमिताभ बच्चन बलिउडका महानायक हुन् । तर, उनी राम मन्दिर निर्माण होस् या सुशान्तको निधनपछि विकसित घटनाक्रमका बिषयमा बोल्न सक्दैनन् । यो माफियाको डर हो । म उनको मुल्यांकन गर्न चाहन्नँ र उनले के सोच्छन् भन्नका लागि मसँग हैसियत पनि छैन ।’
सामाजिक संजालमा राम मन्दिर निर्माणको बिषयमा वधाई पनि नदिएको भन्दै अमिताभको आलोचना पनि भैरहेको छ । यसपछि उनले गरेका हरेक ट्विटमा नकारात्मक प्रतिक्रिया आइरहेका छन् ।
