प्रदर्शनको तयारीमा रहेको चलचित्र प्रेमगीत ३ कोरोनाको कारण तोकिएको समयमा प्रदर्शनमा आउन सकेन । प्रेमगीत ३ गत चैत्र २८ देखि देशव्यापी रुपमा प्रदर्शनमा आउने भनिएको थियो तर चैत्र ११ देखि नै लकडाउन भैदियो ।
फिल्म हलहरु त त्यसभन्दा अगाडी देखि नै बन्द भैसकेका थिए । प्रेमगीत ३ को २ गीत र टिजर सार्वजनिक भैसकेको थियो । जसलाई दर्शकले असाध्यै रुचाए ।
यसैबिच प्रेमगीत ३ युनिटले हालैमात्र प्रेमगीत ३ को नयाँ पोष्टर सार्वजनिक गरेको छ । प्रेमगीत ३ लाई सन्तोष सेनले निर्माण गरेका हुने भने चलचित्रमा सन्तोष सेन र छेतन गुरुङको संयुक्त निर्देशन रहेको छ ।
पोष्टरमा प्रदिप खड्का मात्र फिचर्ड रहेका छन् । सार्वजनिक गरिएको यस पोस्टरमा लामो कपाल, हातमा बन्चरो, आखामा कालो गाजल र साहसी अवतारमा प्रदीपलाई भयंकर रूपमा देखाइएको छ।
यस पोस्टरमा प्रदीपको यो लुकलाई सम्पूर्ण दर्शकहरुले एकदमै मन पराइरहेका छन् साथै, यो फिल्म हेर्न एकदमै उत्साहित रहेको दर्शकहरुको प्रतिक्रिया रहेको छ।
चलचित्रमा प्रदिपका अलवा कुष्टिना गुरुङ, मनिष लिम्बु, शिव श्रेष्ठ, माओत्से गुरुङ, अनुभव रेग्मी, योगिशा खत्री, सन्तोष सेन लगायतका कलाकारको मुख्य भूमिका रहेको छ । चलचित्रको प्रदर्शन मिति चाडै रिलिज गरिने सन्तोष सेनले बताएका छन् ।
