चाडैँ नयाँ चलचित्रमा आबद्ध हुदैँ सलिनमान

चलचित्र ए मेरो हजुर २ बाट नेपाली चलचित्र जगतमा भित्रिएका अभिनेता सलिनमान बनियाँले पहिलो चलचित्रबाट नै निकै सफलता पाए । उनलाई लिएर चलचित्र बनाउन चाहने निर्माता निर्देशकको संख्या धेरै नै छ ।

तर चलचित्र छनौटमा निकै चुजी सलिनले कम तर राम्रो चलचित्रमा मात्र काम गर्ने बताएका छन् । ए मेरो हजुर २ पछि उनले यात्रा मा काम गरे । व्यवसायिक रुपमा यात्रा असफल भयो । तर चलचित्रमा सलिनले निभाएको भूमिकाले भने सर्वत्र चर्चा पायो ।

यात्रा पछि लामो समयदेखि सलिन पर्दामा देखिएका छैनन् । तर सामाजिक सञ्जालमा उनी फ्यानसँग भने जोडिरहेका नै हुन्छन् । सलिनले अब चाडै नै आफू नयाँ चलचित्रमा आबद्ध हुने दर्शकलाई जानकारी दिएका छन् ।

उनले अहिले आफ्नो चलचित्र टिमसँग कुरा भैरहेको र चाडैँ नै दर्शकलाई खुसीको खबर दिने बताएका छन् । साथै उनले उनकी प्रेमिकासँग चाडै नै विवाह गर्ने सोच रहेको पनि बताएका छन् । जे होस् कोरोना कम हुनासाथ सलिन नयाँ प्रोजेक्ट मार्फत दर्शकमाझ भने आउनेछन् ।