कोरोनाबाट मृत्युको हल्ला फैलिएपछि गायिका शारदाले भनिन्- ‘म छिट्टै निको भएर फर्कने छु’

कोरोनाको जोखिम छिमेकी राष्ट्र भारतमा दिनप्रतिदिन बढ्दो रुपमा रहेको छ । कोरोनाबाट ठूला ठूला सेलिब्रेटी पनि जोखिन सकेका छैनन् । केहिदिन अघिमात्र पद्यमभुषण सम्मानित भारतीय गायिका शारदा सिन्हालाई कोरोना संक्रमण पुष्टि भएको थियो ।

हिजोमात्र भने यिनै गायिकाको झुटो निधनको खबरले सामाजिक सञ्जाल तत्तायो । धेरैले रिप भन्दै उनको तस्बिर पनि हाल्न भ्याए । शारदा स्वयमले आफ्नो मृत्युको खबर झुटो भएको बताएकी छिन् ।

उनले एक भिडियो सन्देश मार्फत उक्त खबर झुट भएको बताएकी हुन् । उनले भिडियोमा भनेकी छन् ‘कोरोना भाइरसको उपचार भइरहेको छ । उपचारपछि केही सुधार समेत भएको छ ।’ उनले भिडियोमा आफुलाई चाहने सबैलाई हल्लाको पछि नलाग्न अनुरोध समेत गरेकी छन् ।

‘तपाईंहरुको शुभेक्षाले म छिट्टै निको भएर अगाडि आउने छु,’ उनले भिडियो सन्देशमा भनेकी छन् ।