नायिका अदिती बुढाथोकीको अभिनय रहेको हिन्दी गीत रिलिज, अदितीको सुन्दरताको प्रशंसा

चलचित्र कृ बाट नेपाली रजतपटमा भित्रिएकी नायिका अदिती बुढाथोकी लामो समयदेखि भारतमा आफ्नो करियर बनाउन व्यस्त छिन् । कृ मा काम गर्नुभन्दा अगाडी पनि भारतमा मोडलिङ सिकिरहेकी थिइन् । कृ पछि उनी पुनः भारत फर्किइन् र अहिले पनि आफूलाई स्थापित गराउन लागिपरेकी छिन् ।

उनले केही पञ्जाबी म्यूजिक भिडियोमा काम समेत गरिसकेकी छिन् । हालैमात्र उनी अभिनीत नयाँ पञ्जाबी गीत रिलिज भएको छ ।

‘रुसिया लग्दानी’ बोलको गीतमा पञ्जाबका चर्चित गायक राहुल लखनपालको स्वर छ । गीतको भिडियोमा अदितीले गायक राहुलसँग रोमान्स गरेकी छन् । यूट्युब रिलिजको चार दिनमा गीतलाई १९ लाखभन्दा बढीले हेरिसकेका छन् ।

दर्शकले अदितीको अभिनयलाई निकै रुचाएकी छिन् । यस्तै भिडियोमा प्राप्त कमेन्टमा धेरैले अदितीको सुन्दरताको पनि प्रशंसा गरेका छन् । अदितीले यस गीतले बलिउडमा आफ्नो नाम बनाउन मदत गर्नेमा विश्वस्त छिन् ।