गायनमा पनि नितालाई प्रशंसा

आफूलाई अब्बल नायिकाको रुपमा स्थापित गराइसकेकी नायिका निता ढुङ्गाना यतिबेला आफूलाई गायिकाको रुपमा चिनाउन पनि लागिपरेकी छिन् । उनले पहिलो पटक गाएको भजन गीत केहीदिन अघिमात्र रिलिज भएको छ ।

निताले पहिलो पटक गाएको गणेश भजनलाई दर्शकले रुचाएका छन् । गीत हेर्ने अधिकांश दर्शकले निताको पहिलो प्रयास निकै राम्रो रहेको र उनले केही मेहेनत गरेर आए गायिकाको रुपमा पनि आफूलाई चिनाउन सक्ने प्रतिक्रिया दिएका छन् ।

रामजी लामिछानेको निर्देशन रहेको गीतलाई सञ्जय लामाले खिचेका हुन् । गीतमा निता स्वयम फिचर्ड छिन् । गीतलाई निताले आफ्नो अफिसियल युट्युब च्यानलबाट सार्वजनिक गरेकी हुन् । गीतमा दर्शकले दिएको प्रतिक्रियाबाट निता निकै नै हर्षित छिन् ।