निर्देशक दिपेन्द्र के खनालले केहीदिन अघिमात्र चलचित्र चिसो मान्छे निर्माणको घोषणा गरेका थिए ।
दिपेन्द्र के खनालले निर्देशन गर्ने चलचित्रलाई शर्मिला पाण्डेले निर्माण गर्नेछिन् । यतिबेला चलचित्रका लागि कलाकार छनौटको काम भैरहेको छ ।
प्राप्त जानकारी अनुसार चलचित्रमा नायिका स्वस्तिमा खड्का मुख्य भूमिकाका लागि फाइनल भएकी छिन् । केहीदिन अघिमात्र स्वस्तिमा र दिपेन्द्रबिच सहमति भएको बताइएको छ । यद्यपि स्वस्तिमाले हालसम्म चलचित्रबारे कुनैपनि जानकारी भने दिएकी छैनन् ।
सरकारले चलचित्रहरुको छायांकन गर्ने अनुमति दिनासाथ चलचित्रको छायांकन सुरु गरिने बताइएको छ । चलचित्रको प्रदर्शन मिति अर्को बर्षको भदौ ११ गतेलाई तय गरिएको छ ।
