आमा बन्दै बलिउड अभिनेत्री अनुष्का शर्मा

अनुष्का शर्मा बलिउडकी चर्चित नायिका हुन् । उनले सन् २०१७ मा चर्चित भारतीय क्रिकेटर विराट कोहलीसँग विवाह गरेकी थिइन् । विराट र अनुष्कालाई बलिउडको निकै नै क्युट कपलको रुपमा हेरिन्छ । यी दुईको फ्यान फलोइङ पनि निकै लोभलाग्दो रहेको छ ।

यसैबिच विराट र अनुष्काको फ्यानको लागि खुसीको खबर आएको छ । विराट र अनुष्का आमाबुबा बन्ने भएका छन् । यो कुराको जानकारी स्वयम अनुष्काले सामाजिक सञ्जालमार्फत दिएकी छिन् ।

उनले अब २ बाट ३ जना बन्न लागेको बताएकी छिन् । उनले २०२१ मा आफू आमा बन्ने जानकारी दिएकी छिन् । अनुष्काले जानकारी दिएसँगै सामाजिक सञ्जालमा विराट र अनुष्कालाई बधाई दिनेको ओइरो नै लागेको छ ।