रियाको परिवारमाथि आरोप– ‘३ महिनादेखि कालो जादू चलिरहेको थियो, सुशान्तलाई मारिदिन्छन् भन्ने थाहै भएन’

सुशान्तको आत्महत्या प्रकरणलाई सिबिआईले जिम्मा लिएपछि रियाको परिवारमाथि संकट थपिदैँ गएको छ । रियाको कारणले नै सुशान्तको मृत्यु भएको भन्दै सुशान्तका प्रशंसक रियामाथि भड्किएका छन् ।

इस्तै आजै दुई महिलाले रियाको सोसाइटीमा पसेर निकै हंगामा गरेका छन् ।

ती दुई महिलाले चक्रवर्ती परिवारमाथि कालो जादू गरेको आरोप लगाएको भारतीय मिडियाले लेखेका छन् । यी दुवै महिला खारका स्थानी वासिन्दा भएको बताइएको छ । उनीहरु रिया बस्ने बिल्डिङमा पसेर रियाकी आमामाथि कालो जादूको आरोप लगाउन थालेका थिए । उनीहरुले रियाको परिवारमाथि आक्रमण पनि गरेपछि निकै हंगामा भएको थियो । केही समयको विवादपछि सुरक्षागार्डले उनीहरुलाई बाहिर निकालेका थिए ।

ती महिलाहरुले दिएको बयान अनुसार रियाकी आमाले सुशान्तलाई सेतो धुलो खुवाउने गरेकी थिइन् । उनीहरुले रियाको परिवारले ३ महिनादेखि कालो जादू गरिरहेको दाबी गरेका छन् ।

उनीहरुले कालो जादूको कुरा सुशान्तको घरमा काम गर्ने महिला र छिमेकीबाट थाहा पाएको बताएका छन् । महिलाहरुले आफूहरुलाई सुशान्तलाई यसरी कालो जादू गरेर मार्छन भन्ने थाहा नभएको बताए । कालो जादूबारे थाहा भएर पनि पुलिसकहाँ नगएको बारे प्रश्न सोध्दा उनीहरुले आफूहरुलाई मुम्बइ पुलिसमाथि विश्वास नभएको बताएका थिए ।