आज चर्चित निर्माता सन्तोष सेनको जन्मदिन, शुभकामना दिनेको ओइरो

सन्तोष सेन निकै नै चर्चित निर्माता हुन् । उनले प्रेमगीत, प्रेमगीत २, मेरी मामु, प्रेमगीत ३ लगायतका चलचित्रहरु निर्माण गरिसकेका छन् । निर्मातासँगै उनी राम्रो कलाकार पनि हुन् । उनले चलचित्र प्रेमगीत २ मा काम गरेका थिए । उनको अभिनयलाई दर्शकले रुचाएका पनि थिए ।

आज उनै निर्माता सन्तोष सेनको जन्मदिन रहेको छ । आज सन्तोषको जन्मदिन भएकाले उनलाई सामाजिक सञ्जालमा शुभकामना दिनेको ओइरो नै लागेको छ । कोरोनाको समय भएकाले सन्तोषले यसपटकको जन्मदिन अन्य बर्षहरु झैँ विशेष तरिकाले भने मनाउन पाउने छैनन् ।

सन्तोषले सामाजिक सञ्जालमा आफूलाई जन्मदिनको शुभकामना दिने सम्पूर्णलाई धन्यवाद दिएका छन् । हाम्रो तर्फबाट पनि सन्तोषलाई जन्मदिनको धेरै धेरै शुभकामना ।

यतिबेला सन्तोष नयाँ चलचित्र हुतुतु को काममा व्यस्त छन् । यो चलचित्र कमेडी जनरामा बन्ने बताइएको छ । चलचित्रमा हरिवंश आचार्य, प्रदिप खड्का, पल शाह, नाजिर हुसेन, सलोन बस्नेत, गौरव पहारी जस्ता कलाकारहरु फाइनल भैसकेका छन् ।