हिजो नेपाल आइडल सिजन ३ को ग्राण्ड फिनाले भयो । फाइनलमा पुग्न प्रविन, किरण र सज्जा सफल भएका थिए ।
प्रविन र किरणलाई पछाडी पार्दै मोरङकी सज्जा चौलागाईले नेपाल आइडल सिजन ३ को उपाधी चुमेकी छिन् । नेपाल आइडल को इतिहासमा कुनै केटी प्रतिस्पर्धीले शो जितेको यो पहिलो पटक हो ।
यतिबेला चारैतिर सज्जाको चर्चा भैरहेको छ । सज्जाले आफूलाई सर्वाधिक भोट गरेर विजयी बनाउनेहरुलाई हृदयदेखि नै धन्यवाद दिएकी छिन् । उनले अहिले आफ्नो खुसीको सीमा नै नभएको पनि बताएकी छिन् ।
सज्जाले नेपाल आइडल को विजेता बनेपछि आफूलाई अब धेरै नै जिम्मेवारी थपिएको महशुस भएको बताइन् । उनले दर्शकले उनलाई निकै भरोसा गरेर भोट दिएकाले दर्शकलाई निराश बनाउने काम आफूले कहिल्यै नगर्ने बताएकी छिन् ।
एनले यो जित उनको मात्र नभएर आफूलाई सपोर्ट गर्ने सबैको भएको बताएकी छिन् ।
