‘पारश’ को लागि निकै मेहेनत गर्दै अनमोल

अभिनेता अनमोल केसी लकडाउन भएदेखि घरमा नै छन् । लकडाउन हुनुभन्दा अगाडी उनी चलचित्र ए मेरो हजुर ४ को छायांकनमा व्यस्त थिए । चलचित्रको ३५ प्रतिशत छायांकन सकिसकेको थियो । तर त्यसै समयमा लकडाउन भैदियो ।

यतिबेला अनमोल घरमै बसेपनि त्यतिकै भने बसेका छैनन् । अनमोलले ए मेरो हजृुर ४ पछि पारश मा काम गर्ने बताएका थिए । माधव वाग्लेले निर्देशन गर्ने चलचित्र अनमोलको होम ब्यानरमा बन्ने चर्चा थियो ।

यतिबेला अनमोल पारश को स्क्रिप्टमा व्यस्त छन् । पारश को स्क्रिप्ट राइटर अनमोलको घरमा आएर नै काम गरिरहेका छन् । जसका कारण अनमोलले पनि धेरै कुरा सिक्ने मौका पाएका छन् । अनमोल सधैँ नै आफूले खेल्ने चलचित्रमा निकै नै मेहेनत गर्छन् । उनले पारश को लागि पनि आफूले सक्दो मेहेनत गर्ने बताएका छन् ।

उनले राम्रो काम गर्दा दर्शकले रुचाउने कुरामा विश्वास राख्छन् । जसको कारण उनी घर बसेरै पनि पारश को स्क्रिप्टको काममा धेरै मेहेनत गरिरहेका छन् ।