सक्कीगोनि कोरोनाका कारण अहिले बन्द भएको छ । लामो समयदेखि बन्द भएको सक्कीगोनि अहिले नै सुरु हुने अवस्थामा छैन । सक्कीगोनि टिमले पहिले पनि सामाजिक कार्यहरु गर्दै आएको थियो ।
यसैबिच फेरि एकपटक सामाजिक कार्यमा सक्कीगोनि टिमले हात हालेको छ ।
सक्किगोनी टिम र चक्रपथ सरसफाइ महाअभियानका संयोजक लोकबहादुर टन्डनको तर्फबाट सोह्रखुट्टे प्रहरीलाई सहयोगस्वरुप विभिन्न स्वास्थ्य सामग्री हस्तान्तरण गरिएको छ ।
सक्किगोनीका निर्देशक अर्जुन घिमिरे पाँडेका अनुसार १५० थान मास्क, १५ लिटर सेनिटाइजर, ५० थान फेस सिल्ड हस्तान्तरण गरिएको हो ।
प्रहरी उपरीक्षक दीपक खड्का र निरीक्षक राजकुमार भट्टलाई ती सामग्री प्रदान गरिएको थियो । सोह्रखुट्टे प्रहरीले सहयोगका लागि आभार प्रकट गरेको छ ।
