आजबाट ‘कमेडी च्याम्पियन सिजन २’ को अडिसन सुरु, यसरी दिन सकिन्छ अडिसन…

कमेडी च्याम्पियन दर्शकले सर्वाधिक रुचाएको रियालिटी शो । सिजन १ बाट दर्शकको अपार माया पाएपछि कमेडी च्याम्पियनले सिजन २ को तयारी केही समयदेखि गरिरहेको थियो ।

यसैबिच आजबाट कमेडी च्याम्पियन सिजन २ को अडिसन सुरु भएको छ । कोरोनाको महामारीका कारण अडिसन अनलाइन मार्फत लिइने भएको छ । यस कमेडी च्याम्पियनमा आगामी असोज १४ गतेसम्म अडिसनमा भाग लिन सकिने छ ।

प्रतिष्पर्धिले अडिसनमा भाग लिनका लागि कमेडी च्याम्पियनको एपमा गई बढीमा ४ मिनेट ५९ सेकेन्डसम्मको भिडियो अपलोग गर्नुपर्ने हुन्छ । यसरी अपलोड भएको भिडियो मध्येबाट कमेडी च्याम्पियनले उत्कृष्ट छानेर रियालिटी सोमा भाग लिन बोलाउने आयोजकले जनाएको छ ।

जजको रुपमा यसपटक पनि मनोज गजुरेल, सन्तोष पन्त, ऋचा शर्मा र प्रदिप भट्टराई रहने भएका छन् । शो लाई रीमा विश्वकर्माले होस्ट गर्नेछिन् ।