बलिउड अभिनेता सुशान्त सिंह राजपुतको आत्महत्यादेखि सामाजिक सञ्जालमा उनको न्यायको लागि आवाज उठाइरहेका छन् । सुशान्तको लागि आवाज भारतमा मात्र नभएर अन्य विभिन्न देशहरुमा पनि उठिरहेका छन् ।
हालै लन्डनमा एक ट्रकमा सुशान्तको तस्बिर लगाएर न्यायको आवाज उठाइएको छ । केहीदिन पहिले यस्तै माग अमेरिकाको क्यालिफोनर्नियामा पनि देखिएको थियो । अमेरिकापछि अष्ट्रेलियाको ७ बिलबोड्र्समा पनि यस्तै आवाज देखिएको छ ।
सुशान्तकी दिदिले हालैमात्र सामाजिक सञ्जालमा लण्डनमा सुशान्तको फोटो राखिएको ट्रकको फोटो सेयर गर्दै सुशान्तको लागि लन्डनमा पनि आवाज उठेकाले आफूलाई खुसी लागेको बताएकी छिन् ।
यतिबेला हाल सिबिआईले सुशान्तका जोडिएका सबै मानिसहरुसँग सोधपुछ गरिरहेको छ ।
