‘ह्याप्पी बर्थ डे’ नाजिर हुसेन !

नाजिर हुसेन पछिल्लो समयका सर्वाधिक डिमाण्डेड र चर्चित अभिनेता हुन् । उनले एकपछि अर्को राम्रो ब्यानरका चलचित्रमा काम गरिरहेका छन् । यसका साथै म्यूजिक भिडियोमा पनि उनको डिमाण्ड राम्रो छ ।

होस्टेल रिटन्र्स बाट अभिनय यात्रा सुरु गरेका नाजिरले त्यसपछि आजसम्म पछाडी फर्केर हेर्नुपरेको छैन । उनको अभिनयले सबैको मन जितेको छ । आज उनै अभिनेता नाजिर हुसेनको जन्मदिन रहेको छ ।

आजबाट नाजिरले ३० औँ बर्षमा प्रवेश गरेका छन् । नाजिरको जन्मदिन भएकाले सामाजिक सञ्जालमा उनका फ्यान, फिल्मकर्मीले उनलाई जन्मदिनको शुभकामना दिइरहेका छन् ।

कोरोनाको समय भएकाले यसपटक नाजिरले आफ्नो जन्मदिन अन्य बर्षहरु झैँ विशेष तरिकाले भने मनाउन नपाउने भएका छन् ।