‘तिम्रो मनको माझमा’, ‘मलाई तिम्रो प्रेमको बदला’ जस्ता हिट गीत दिएका गगन सरगमको ‘तिमीलाई भेट्न’

रुकुमबासी निमसंगीत सांगितिक क्षेत्रमा आफ्नो बलियो स्थान बनाउन लामो समयदेखि संघर्षरत छन् । उनले म त मर्छु क्यारे, तिम्रो मनको माझमा, मलाई तिम्रो प्रेमको बदला, हर रात सपनीमा लगायतका सुपरहिट दिइसकेका छन् ।

यसैबिच निमसंगीतको नयाँ गीत बजारमा भर्खर रिलिज भएको छ । निमसंगीतको शब्द र संगीत रहेको तिमीलाई भेट्न बोलको गीतम गगन सरगमको आवाज रहेको छ ।

गगन सरगम पनि लामो समयदेखि सांगितीक क्षेत्रमा आफ्नो स्थान बनाउन लागि परेका छन् । उनले यसअघि तिम्रो मनको माझमा, मलाई तिम्रो प्रेमका बदला जस्ता राम्रा गीत गाइसकेका छन् ।

विक्रम कार्कीको एरेन्ज रहेको गीतलाई अमर प्रेम म्यूजिक नामक युट्युब च्यानलबाट अपलोड गरिएको छ । “तिमीलाई भेट्न” गीतलाई दर्शकले राम्रो प्रतिक्रिया दिइरहेका छन् ।