लामो समयपछि पर्दामा एकसाथ देखिदैँ शाहरुख र दिपिका

शाहरुख खान र दिपिका पादुकोण पर्दामा निकै रुचाइएका जोडी हुन् । यी दुईले ओम शान्ती ओम, ह्याप्पी न्यू इयर, चेन्नई एक्सप्रेश लगायतका चलचित्रमा एकसाथ काम गरिसकेका छन् । यी दुईले लामो समयदेखि एकसाथ काम गरेका थिएनन् ।

तर अबभने दर्शकले शाहरुख र दिपिकाको जोडीलाई पुनः एकपटक पर्दामा देख्न पाउने भएका छन् । सनकी नामक चलचित्रमा यी दुई देखिने पक्का भएको छ । चलचित्रलाई तामिल फिल्मका निर्देशक एटली कुमारले निर्देशन गर्ने भएका छन् ।

सनकी २०२१ बट फ्लोरमा जाने बताइएको छ । चलचित्रबारे अन्य जानकारी भने हाल दिइएको छैन ।