‘मलाई निकै नराम्रोसँग ड्रगको लत लागेको थियो’ : कगंना

कगंना रनावत बलिउडकी निकै चर्चित अभिनेत्री हुन् । चर्चितसँगै उनी निकै आलोचनामा आइरहने नायिकामा पनि पर्छिन् । अहिले पनि आफैले गरेको एक ट्वीटका कारण कगंना विवादमा आएकी छिन् ।

रिया चक्रवर्ती केहीदिन अघिमात्र सुशान्तलाई ड्रग दिने गरेको आरोपमा जेल गइन् । त्यसपछि कगंना स्वयमले उनी पनि केही बर्षसम्म ड्रगको लतमा नराम्रोसँग फसेको बताएकी छिन् ।

एक भिडियो सार्वजनिक गर्दै कगंनाले भनेकी छिन्,  ‘जब म फिल्ममा काम गर्नको लागि घरबाट भागेकी थिए । तब म केहि वर्षसम्म ड्रग्स एडिक्ट भएको थिए । मेरो जीवनमा निकै उताब चढाब आएको थियो । म गलत मान्छेको हातमा परेको थिए । सोच्नुस् म कति खतनाक छु ।’

कगंनाको भिडियो भाइरल भएपछि सामाजिक सञ्जाल प्रयोगकर्ताले उनलाई पक्राउ गर्न माग गरिरहेका छन् ।