लोकदोहोरी जगतको लोकप्रिय नाम हो प्रकाश सपूत । उनलाई नचिन्ने या भनुम मन नपराउने दर्शक सायदै छन् । प्रकाश सपूतले छोटो समयमा नै दर्शकको मनमुटुमा बस्न सफल भएका छन् ।
निकै संघर्ष गरेर आज उनले यो नाम, सम्मान कमाएका छन् । प्रकाशको परिचय एउटा गायकको रुपमा मात्र दिनु काफी छैन । उनलाई गायकसँगै मोडल, निर्देशक, संगीतकार, रचनाकार अनि अब त नायक पनि भन्न सकिन्छ ।
छोटो समयको अन्तरालमा उनले दोहोरी ब्याटल, बोल माया, गलबन्दी, दोहोरी ब्याटल २, बदला बरिलै, नमस्कार जस्ता गीतहरु दर्शकमाझ पस्किसकेका छन् । रोचक कुरा त के छ भने उनले निकालेका गीतहरुबाट दर्शक निराश हुनु परेको छैन । प्रकाश हरेक काम गर्दा निकै नै मेहेनत गर्ने गर्छन् र मेहेनत गरे अनुसार फल पनि पाउँछन् ।
आज उनै मेहेनती र लोकप्रिय गायक प्रकाश सपूतको जन्मदिन रहेको छ । आजबाट प्रकाश जीवनको ३१ औँ वसन्तमा प्रवेश गरेका छन् । आज प्रकाशको जन्मदिन परेकाले सामाजिक सञ्जालमा उनलाई शुभकामना दिनेको ओइरो नै लागेको छ ।
प्रकाशले फेसबुकमा स्टाटस लेख्दै आफ्नो जन्मदिनमा विभिन्न माध्यममार्फत शुभकामना दिने सम्पूर्णलाई एकमुष्ट रुपमा धन्यवाद दिएका छन् । हाम्रो तर्फबाट पनि प्रकाशलाई जन्मदिनको धेरै धेरै शुभकामना ।
