जनवादी गीतमा निरन्तरता दिदैँ मोहित : ‘मन्दिरमा पुज्ने देवी र देवता कहाँ छन् देख्दिन’

युद्धकालका चर्चित जनवादी गायक हुन् रोल्पा जंकोटका मोहित श्रेष्ठ । जनयुद्धकालमा उनले गाएको ‘कसले भन्छ क्रान्ति यहाँ सफल हुदैँन’ गीत आजपनि दर्शकमाझ प्रिय छ ।

धेरै बर्षदेखि गुमनाम जस्तै भएका मोहित श्रेष्ठ लामो समयपछि मिठो गीत लिएर दर्शकमाझ आउँदैछन् ।

देवेन्द्र मगरको शब्द र मोहित श्रेष्ठको संगीत रहेको ‘मन्दिरमा पुज्ने देवी र देवता कहाँ छन् देख्दिन, बाबा र आमा नै मेरा भगवान अरु केही खोज्दिन ‘ बोलको गीतमा मोहित श्रेष्ठकै आवाज रहेको छ ।

सुमित्रा बुढा, हर्क घर्ती मगर र अन्य केही बालकलाकारको अभिनय रहेको गीतको हालैमात्र छायांकन सम्पन्न भएको छ । यतिबेला धमाधम सम्पादन भैरहेको भिडियो केही समयपछि दर्शकमाझ ल्याउने तयारी भएको मोहितले जानकारी दिएका छन् । साथै लामो समयपछि दर्शकमाझ आफ्नो गीत ल्याउनको लागि निकै उत्साहित भएको पनि मोहितले बताए ।