रिया ड्रग केस : छापा मार्दा करोडौँको ड्रग भेटियो

सुशान्तकी पूर्व प्रेमिका तथा नायिका रिया चक्रवर्ती यतिबेला जेलमा छिन् । सुशान्तलाई ड्रग दिने गरेको खुलासा भएपछि उनलाई गिरफ्तार गरिएको थियो । रिया स्वयमले पनि सुशान्तलाई आफूले ड्रग दिने गरेको स्वीकारेकी थिइन् ।

यसैबिच रियाको ड्रग डिलरहरुसँग सम्बन्ध रहेको थाहा पाएपछि नारकोटिक्स ब्यूरोले ठूलो संख्यामा छापा मार्न थालेको छ । यस्तोमा ब्यूरोले २ दिनअघि मात्र एक डिलरलाई पक्राउ गरेको छ ।

उनको घरबाट ब्यूरोले १ किलो ड्रग्स बरामद गरेको छ । यसको मूल्य ३ देखि ४ करोड भएको बताइएको छ । राहिल विश्राम नामका यी व्यक्तिको घरबाट साढे ४ लाख नगद पनि बरामद भएको छ । राहिलको बलिउड सेलिब्रेटीसँग सीधा सम्बन्ध रहेको पाइएको छ ।