नयाँ कमेडी टेलिश्रृखंला गंजागोल प्रशारणमा आउने भएको छ । गंजागोल लाई चर्चित निर्देशक ज्योति काफ्लेले लेखेका हुन् भने उनले नै निर्देशन गरेका हुन् । गंजागोल यसैसाताबाट नेपाल टेलिभिजन मार्फत हरेक सोमबार साँझ ७.२५ मा आउने भएको छ ।
यसअघि ज्योति काफ्लेले भद्रगोल निर्देशन गरेका थिए । निर्देशनका साथसाथै ज्योति गंजागोल मा प्रमुख पात्रको रुपमा पनि देखिदैँछन् । ज्योति बाबुराम भट्टराई र केपी ओलीको क्यारिकेचर गरेर पनि चर्चामा आउने गरेका छन् । गंजागोल मा शिवहरी नेपाल, रोशनी सापकोटा, विद्या कार्की, सुपन ज्योति न्यौपाने, प्रकाश स्वार्नकर, बन्दना कार्की, सुसन राई, पूजा घिमिरे, सिर्जना जिसी, पूजा पन्त, रियाज काफ्ले, विपना बस्नेत लगायतका कलाकारको अभिनय रहेको छ ।
कलाकारसँगै शिवहरि नेपालले भने श्रृखंला निर्देशनको जिम्मेवारी लिने भएका छन् । यसअघि शिवहरिले सोल्टिनी पनि निर्देशन गरेका थिए । त्यसका साथै उनलाई दर्शकले गोलमाल मा ठेकेदारको रुपमा पनि चिनेका छन् ।
टेलिश्रृंखलाका निर्माता प्रकाशकुमार सुवर्णकार हुन् भने दिलीप विष्ट र रामकृष्ण कँडेलले दृश्य खिच्नेछन् ।
