भारतीय टेलिभिजनकी चर्चित अभिनेत्री स्वेता तिवारीमा पनि कोरोना संक्रमण पुष्टि भएको छ । स्वेता स्वयमले यसबारे जानकारी दिएकी छिन् ।
केहीदिन अघि उनी एक सिरियलको छायांकनमा व्यस्त थिइन् । सोहि समयमा कोरोना परीक्षण गराउँदा उनको रिपोर्ट पोजेटिभ आएको हो । स्वेतामा कोरोना पोजेटिभ देखिएपछि यतिबेला छायांकन केहीसमयको लागि रोकिएको छ ।
श्वेता तिवारीका श्रीमान् अभिनव कोहलीले भास्करसँगको कुराकानीमा श्वेता पोजेटिभ आएपछि उनका छोरा रेयांश हाल उनीसँग अर्को घरमा बसिरहेको जानकारी दिए । अभिनवको घर श्वेता बसेको घरभन्दा दुई घर पर मात्रै छ ।
