विश्वकै प्रभावशाली व्यक्तिमा गनिए बलिउड अभिनेता आयुष्मान

बलिउडका लोकप्रिय अभिनेता हुन्, आयुष्मान खुराना । पछिल्लो समयमा त झन् उनको कामले सबैको मन जित्दै गएको छ । यसैबिच आयुष्मानलाई अर्को ठूलो सफलता मिलेको छ ।

हालैमात्र टाइम्स म्यागजिनले निकालेको सुचीमा आयुष्मान विश्वकै प्रभावशालीको व्यक्तिमा गनिएका छन् । आयुष्मानले यसबारे इन्ष्टाग्राममा जानकारी पनि दिएका छन् ।

आयुष्मानले यो आफ्नो लागि निकै गर्वको कुरा भएको बताएका छन् । इन्ष्टाग्राममा फोटो पोष्ट गर्दै आयुष्मानले भनेका छन्, ‘टाइम्सले जुन पहिचान मलाई दिलाएको छ, त्यसप्रति कृतज्ञ छु । एक कलाकारको रुपमा मैले फिल्मको माध्यमबाट केही सकारात्मक पतिवर्तन ल्याउने प्रयास गरेको छु । यो पल मेरो जीवनका लागि निकै महत्त्वपूर्ण छ,’ आयुष्मानले इन्स्टामा अगाडि लेखेका छन्, ‘मलाई लाग्छ कि सिनेमा त्यो तागत हो, जसले कुनै पनि मुद्धालाई उठाएर सही विषयमा बहस पैदा गर्न सक्दछ ।’