कौन बनेगा करोडपति बहुचर्चित भारतीय कार्यक्रम हो । कौन बनेगा करोडपति दर्शकले खुबै चासो दिएर हेर्ने गरेका छन् । तर यसपटक भने कौन बनेगा करोडपति बिना दर्शक नै सञ्चालन भैरहेको छ । कोरोनाको महामारीका कारण दर्शक सहित शो सञ्चालन गर्न यसपटक मुश्किल भएका कारण बिना दर्शक शो सञ्चालनममा ल्याइएकको हो ।
कौन बनेगा करोडपति लाई बलिउडका दिग्गज अभिनेता अमिताभ बच्चनले होष्ट गर्दै आएका छन् । यस शो प्रति अभिताभको लगाव छुट्टै रहेको छ । अमिताभ निकै समस्यामा हुदाँ उनलाई यो शो अप्रोज गरिएको थियो ।
सुरुमा अमिताभले यो शो गर्न लाग्दा उनको परिवार त्यति खुसी थिएन । सानो पर्दामा काम गर्दा स्टारडममा आँच आउने होकि भन्ने चिन्ता अमिताभको परिवारलाई थियो ।
तर अमिताभले सबै कुरा बुझेर शो होष्ट गर्ने निर्णय लिए ।
कमैलाई थाहा होला अहिलेका अरबपति अमिताभ कुनै समयमा ऋणमा डुबेका थिए । आफ्नै कम्पनी खोलेर काम गर्ने हुदाँ अमिताभले घाटा बेहोर्नु परेको थियो । आफ्नो स्टाफलाई तलब दिने पैसा समेत उनीसँग नहुदाँ घरमै मान्छे आएर अमिताभसँग रिसाउने गर्थे । त्यस समयमा केबिसीले अमिताभलाई निकै मदत मिलेको थियो। त्यसैककारण पनि अमिताभ केबिसी छोड्न चाहदैँनन् ।
