‘सुशान्तले छिछोरे को सुटिङमा ड्रग्स लिएको देखेकी थिए’ : श्रद्धा कपुर

सुशान्त सिंह राजपुतसँग श्रद्धा कपुरले चलचित्र छिछोरे मा काम गरेकी थिइन् । छिछोरे व्यवसायिक रुपमा सफल भयो भने श्रद्धा र सुशान्तको केमेष्ट्रिलाई पनि दर्शकले रुचाए ।

यस्तै केहीदिन अघिमात्र ड्रग्स केसमा नाम जोडिएपछि एनसिबीले नायिका श्रद्धा कपुरसँग सोधपुछ गर्नको लागि उनलाई बोलाएको थियो । श्रद्धासँग एनसिबीले ५ घण्टा सोधपुछ गर्यो । जहाँ श्रद्धाले आफूले ड्रग्स लिने गरेको कुरालाई अस्वीकार गरेकी थिइन् ।

उनले सुशान्त छिछोरे को सफलतापछि राखेको पार्टीमा आफू गएको तर अल्कोहल पिएपनि ड्रग्सभने आफूले सेवन नगरेको बताइन् । साथै उनले चलचित्र छिछोरे को छायांकनको क्रममा सुशान्तले ड्रग्स लिएको आफ्नै आखाँले देखेको पनि बताइन् ।