नायिकाहरुपछि अब यी नायकहरुको ड्रग्स केसमा जोडियो नाम

यतिबेला बलिउडमा ड्रग्स केसले तहल्का नै मच्चाइरहेको छ । ड्रग्स केसमा नाम जोडिएपछि एनसिबीले दिपिका पादुकोण, श्रद्धा कपुर, साराअली खान, रकुल प्रित लगायतका नायिकाहरुसँग सोधपुछ गरेको थियो ।

सोधपुछ गरेका सबै नायिकाहरुले आफूले ड्रग्स नलिएको बताएका थिए । नायिकापछि अब यस केसमा नायकहरुको पनि नाम जोडिएको छ । बलिउडमा नाम चलेका अभिनेताहरु ड्रग्स केसमा मुछिएका छन् ।

भारतीय मिडिया अनुसार शाहरुख खान, अर्जुन रामपाल, रनबीर कपुर र डिनो मोरियाको नाम अगाडी आएको छ । प्राप्त जानकारी अनुसार अर्जुन रामपालले शाहरुख खानलाई ड्रग्स सप्लाई गर्ने गरेका थिए । डिनो र रनबीर कपुरबारे भने छानबिन भैरहेको छ ।