पल शाह, पूजा शर्मा र आकाश श्रेष्ठ तिनै जना अहिलेका चर्चित कलाकार हुन् । यी तिनैको डिमाण्ड चलचित्र र म्यूजिक भिडियोमा निकै हाई छ । कोरोनाका कारण सरकारले अझैसम्म चलचित्रको छायांकन गर्ने अनुमति दिएको छैन । तर म्यूजिक भिडियोको काम भने धमाधम नै भैरहेको छ ।
पूजाले पल र आकाश दुवैसँग चलचित्र र म्यूजिक भिडियोमा पनि काम गरिसकेकी छिन् । तर पल, पूजा र आकाशले भने एकसाथ काम गरेका थिएनन् । तर अब यी तिनको केमेष्ट्रि दर्शकले देख्न पाउने भएका छन् ।
हालैमात्र यी तिनले एकसाथ म्यूजिक भिडियोको सुटिङ गरेका छन् । काले केटा २ बोलको गीतमा यी तिनलाई दर्शकले एकसाथ देख्न पाउनेछन् । यी तिनलाई स्क्रिनमा एकसाथ हेर्नको लागि दर्शक निकै नै आतुर रहेका छन् ।
