पछिल्लो २४ घण्टामा देशभर थप २ हजार १२० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालय अनुसार योसँगै नेपालमा कुल संक्रमितको संख्या ८४ हजार ५ सय ७० पुगेको छ ।
यस्तै उपत्यकामा मात्रै आज १ हजार १७७ जनामा कोरोना संक्रमण पुष्टि भएको छ । जसमा १ हजार १ काठमाडौँका, ६७ ललितपुरका र १०९ भक्तपुरका रहेका छन् । देशभर हाल संक्रिय संक्रमितको संख्या २१ हजार ३०२ रहेको छ ।
पछिल्लो २४ घण्टामा २ हजार ४४ जनाले कोरोना जितेसँगै कोरानामुक्त हुनेको संख्या ६२ हजार ७ सय ४० पुगेको छ ।
