कोरोना संक्रमणबाट थप १८ जनाको मृत्यु, मृत्यु हुनेको संख्या ६६३ पुग्यो

काठमाडौं । नेपालमा कोरोनाभाइरसबाट थप १८ जनाको मृत्यु भएको छ । मंगलबारको नियमित प्रेस बिफ्रिङमा स्वास्थ्य मन्त्रालयले कोरोनाबाट थप १८ जनाको मृत्यु भएको जानकारी दिएको हो ।

यससँगै हालसम्म कोरोनाबाट ज्यान गुमाउनेको कुल संख्या ६६३ पुगेको मन्त्रालयले जनाएको छ ।

पछिल्लो २४ घण्टामा ३ हजार ५५६ जनामा कोरोना भाइरस (कोभिड-१९) को संक्रमण पुष्टि भएको छ ।

देशभरका प्रयोगशालामा नमुना १५ हजार ५७७ परीक्षण गर्दा उनीहरुमा संक्रमण पुष्टि भएको हो ।