लामो समयदेखि छायांकनमा जाने भनिएको चलचित्र आइ एम ट्वान्टी वान को छायांकन अब घटस्थापनादेखि सुरु हुने भएको छ ।
रेनशा वान्तवा राईले निर्देशन गर्न लागेको चलचित्रमा धिरज मगर र जसिता गुरुङ मुख्य भूमिकाका लागि अनुबन्धित भएका छन् । लामो समयदेखि धिरज र जसिता यस चलचित्रको लागि वर्कशप पनि गरिरहेका छन् ।
भोलिबाट आइ एम ट्वान्टी वान को छायांकन सुरु हुनेछ र एकहप्ता पछि फेरि केहीदिनको लागि रोकिनेछ । यस कुराको जानकारी चलचित्र निर्माण टिमले नै दिएको हो ।
